२०८२ माघ ७ गते बुधवार
२०८२ माघ ७ गते बुधवार
काठमाडौं । नेसनल लाइफ इन्स्योरेन्स कम्पनीले आर्थिक वर्ष २०८२\८३ को पहिलो तीन महिनाको वित्तीय विवरण सार्वजनिक गरेको छ। सार्वजनिक विवरणअनुसार चालु आर्थिक वर्षको पहिलो ३ महिनामा कम्पनीले १४ करोड ८ लाख रुपैयाँ नाफा आर्जन गर्न सफल भएको छ।
अघिल्लो आर्थिक वर्षको असोजसम्म कम्पनीले १३ करोड ८३ लाख रुपैयाँ नाफा आर्जन गरेको थियो। अघिल्लो आर्थिक वर्षको तुलनामा कम्पनीको नाफा १.८१ प्रतिशतले बढेको छ।
चालु वर्षको असोजसम्म कम्पनीको जीवन बीमा कोषमा ९३ अर्ब ६३ करोड ५२ लाख रुपैयाँ रहेको छ। अघिल्लो वर्षको तुलनामा कम्पनीको जीवन बीमा कोषको आकार २४.७२ प्रतिशतले बढेको छ।
हाल कम्पनीको शेयरपुँजी ५ अर्ब ४७ करोड २७ लाख रुपैयाँ रहेको छ । प्रतिशेयर आम्दानी घटेर १०.३० रुपैयाँ कायम भएको छ भने पीई रेसियो ५६.११ गुणा रहेको कम्पनीको प्रतिशेयर नेटवर्थ १३१.५४ रुपैयाँ रहेको छ।
कम्पनीले ५ अर्ब ७२ करोड ६ लाख रुपैयाँ कुल बीमाशुल्क आर्जन गरेको छ। अघिल्लो वर्षको तुलनामा कम्पनीको कुल बीमाशुल्क आर्जन १६.३९ प्रतिशतले बढेको छ भने कम्पनीले ५ अर्ब ५२ करोड ९४ लाख रुपैयाँ खुद बीमाशुल्क आर्जन गरेको छ। अघिल्लो वर्षको तुलनामा कम्पनीको खुद बीमाशुल्क आर्जन १३.९८ प्रतिशतले बढेको छ।
© 2026 All right reserved to khabarcnter.com | Site By : Sobij
