२०८२ माघ १९ गते सोमवार
२०८२ माघ १९ गते सोमवार
काठमाडौं । चालु खाता एवं शोधनान्तर स्थितिमा व्यापक सुधार आएको छ । नेपाल राष्ट्र बैंकका अनुसार चालु आर्थिक वर्षको पहिलो २ महिनामा यो अवस्था सकारात्मक देखिएको हो ।
समीक्षा अवधिमा चालु खाता १३० अर्ब ६९ करोड रुपैयाँले बचतमा रहेको छ भने गत वर्षको सोही अवधिमा यो खाता ५४ अर्ब ४१ करोडले बचतमा थियो ।
अमेरिकी डलरमा अघिल्लो वर्षको सोही अवधिमा ४१ करोडले बचतमा रहेको चालु खाता समीक्षा अवधिमा ९३ करोडले बचतमा रहेको राष्ट्र बैंकले जानकारी दिएको छ । यो अवधिमा खुद पुँजीगत ट्रान्सफर २ अर्ब २० करोड रुपैयाँ रहेको छ । यसैगरी १ अर्ब २७ करोड प्रत्यक्ष वैदेशिक लगानी भित्रिएको छ ।
यो अवधिमा शोधनान्तर स्थिति १५३ अर्ब ६८ करोड रुपैयाँ बचतमा रहेको छ । अघिल्लो वर्षको सोही अवधिमा शोधनान्तर स्थिति १०१ अर्ब ७७ करोड रुपैयाँले बचतमा रहेको थियो ।
अमेरिकी डलरमा अघिल्लो वर्षको सोही अवधिमा ७६ करोडले बचतमा रहेको शोधनान्तर स्थिति समीक्षा अवधिमा १ अर्ब १० करोडले बचतमा छ ।
© 2026 All right reserved to khabarcnter.com | Site By : Sobij
