२०८२ आश्विन २६ गते आइतवार
२०८२ आश्विन २६ गते आइतवार
काठमाडौं । सञ्चार तथा सूचना प्रविधि मन्त्रालयले बर्षाजन्य जोखिम बढेको बेला सञ्चार सम्पर्कविच्छेद हुन नदिन मातहतका निकायलाई निर्देशन दिएको छ ।
सञ्चार तथा सूचना प्रविधि मन्त्री जगदिश खरेलले शनिबार मन्त्रालय अन्तर्गतका विभिन्न निकाय र संस्थाका पदाधिकारीहरूलाई तीन दिन उच्च सतर्कता अपनाएर काम गर्न निर्देशन दिएका छन् भने सञ्चार सम्पर्क विच्छेद हुन नदिन र सञ्चारमा अवरोध भए तत्काल मर्मत संभार गरेर दूरसंचार सेवा सुचारू गर्न तयारी अवस्थामा रहन पनि निर्देशन दिएका हुन् ।
सञ्चार तथा सूचना प्रविधि मन्त्रालयले देशका कुनै पनि भू-भागमा सञ्चार सेवा अबरुद्ध भएमा वा त्यस सम्बन्धी कुनै आकस्मिक सूचना प्रवाह गर्न आवश्यक भएमा सम्पर्क गर्ने सकिने निकायको सम्पर्क नम्बर व्यवस्था गरेको छ ।
त्यसका लागि सम्पर्क नम्बर दूरसञ्चार कम्पनीको १४९८, एनसेलको ९००५, नेपाल दूरसञ्चार प्राधिकरणको ९८५१०८७४३२ र ९८४१३७६२०३ तथा मन्त्रालयको ९८४९०५३६६३ र ९८४१५२०११५ नम्बरमा सम्पर्क गर्न मन्त्रालयले अनुरोध गरेको छ ।
© 2025 All right reserved to khabarcnter.com | Site By : Sobij
