२०८२ आश्विन २७ गते सोमवार
२०८२ आश्विन २७ गते सोमवार
काठमाडौं । वर्षाका कारण आएको बाढी र पहिरोले देशका विभिन्न राजमार्ग र सडकहरू अवरुद्ध भएको छ ।
आज बिहान ८ बजेसम्मको जानकारी अनुसार देशभरका ५ सडकखण्ड पूर्णरुपमा अवरुद्ध भएको छ भने ४ सडकखण्ड एकतर्फी रुपमा मात्रै सञ्चालन भएको छ ।
प्रहरीका अनुसार कोशी राजमार्गअन्तर्गत संखुवासभाको भोटखोला गाउँपालिका-४ बरुण र मकालु गाउँपालिका-एकुवामा सडक अवरुद्ध भएको छ । बाढीले रसुवाको गोसाइकुन्ड गाउँपालिका-२ स्थित नेपाल र चीन नाका जोड्ने पुल बन्द भएको छ ।
त्यस्तै, चितवनको इच्छाकामना गाउँपालिका-५ तुइनखोलामा पहिरो जाँदा नारायणगढ-मुग्लिन सडक सडक पूर्णरुपमै बन्द भएको छ । मध्यपहाडी लोकमार्ग अन्तर्गत रुकुम पूर्वको भूमे गाउँपालिका-४ काँडाबगरमा पहिरो जाँदा सडक पूर्ण रुपमा अवरुद्ध भएको छ ।
© 2025 All right reserved to khabarcnter.com | Site By : Sobij
