२०८२ आश्विन २८ गते मंगलवार
२०८२ आश्विन २८ गते मंगलवार
काठमाडौं । जेनजी आन्दोलनकारीले निजी तथा सरकारी संरचना तोडफोड तथा आगजनी गरिरहेका बेला स्टाटस लेखेर भड्काउन खोजेको आरोपमा पर्वतका एक वडाध्यक्ष पक्राउ परेका छन् ।
आगजनी भइरहेका बेला स्टाटस लेखेर आन्दोलनकारीलाई थप उत्तेजित बनाउने कार्य गरेको आरोपमा पर्वत फलेवास नगरपालिका- ४ का वडाध्यक्ष अच्युत तिवारीलाई प्रहरीले पक्राउ गरेको हो ।
आन्दोलनकारीलाई भड्काउँदै पर्वतका प्रहरी प्रमुख डीएसपी रविन विष्ट समेतलाई कारबाही हुने बताएका वडाध्यक्ष तिवारीलाई पक्राउ गरी विद्युतीय कारोबार ऐन २०६३ को दफा ४७ विरुद्धको कसुरमा मुद्दा अगाडि बढाइएको हो ।
तिवारीले पर्वतका बालुवा तस्कर, उनको संरक्षण गर्ने र कारबाहीका लागि उजुरी दिँदा नलिने पर्वत प्रहरी प्रमुख डीएसपी विष्टसमेतलाई जेनजीले कारबाही गर्ने आशा लिएको फेसबुकमा स्टाटस लेखेका थिए ।
स्टाटस लेखेकै आधारमा डीएसपीको नाम लिएकाले प्रतिशोध साँधेर पक्राउ गरी साइबर अपराधको मुद्दा लगाइएको भन्दै नेपाली कांग्रेसका नेताहरूले तिवारीलाई छाड्न दबाब दिइरहेका छन् । प्रहरीले यही स्टाटसलाई आधार बनाएर पक्राउ गरी साइबर अपराधको मुद्दा अगाडि बढाएको छ ।
© 2025 All right reserved to khabarcnter.com | Site By : Sobij
