२०८२ आश्विन २८ गते मंगलवार
२०८२ आश्विन २८ गते मंगलवार
काठमाडौं । जेनजी आन्दोलनको क्रममा मृत्यु भएका २४ वटा शवको पोस्टमार्टम भएको छ । त्रिवि शिक्षण अस्पतालको फोरेन्सिक विभागमा अहिले ४६ वटा शव पुगेका छन् । २४ शवको पोस्टमार्टम भइसकेका मध्ये १९ शव आफन्तले बुझिसकेका छन् ।
यी शव काठमाडौं उपत्याका मात्रै हुन् । फोरेसिन्सक विभागका प्रमुख डा। गोपाल चौधरीका अनुसार ७ वटाको शव पूर्ण रुपमा जलेको अवस्थामा रहेका छन् ।
‘चुच्चेपाटीको भाटभटेनीबाट नै सात वटा शव आएका छन् । जुन कंकालको अवस्थामा छन्,’ डा. चौधरीले भने, ‘उनिहरू पोस्टमार्टम गर्नका लागि लामो समय लाग्छ ।’ डा.चौधरीका अनुसार अन्य शवको पोस्टमार्टम गरेपछि आगजानीमा परेका शवको पोस्टमार्टम गरिने भएको छ ।
सबभन्दा पहिले त मृतकको उचाइ, तौल, शरीरमा भएको दाग वा ट्याटुका आधारमा शव पहिचान गरिन्छ । तर, यसरी पत्ता नलागेमा मृतकको पहिचान खुलाउने तीन आधार हुन्छ-फिंगरप्रिन्ट डेन्टल एक्जामिनेसन र डीएनए परीक्षण ।
डा. चौधरीका अनुसार केही शव अत्यधिक जलेका कारण डीएनए टेष्ट पनि गर्नुपर्ने हुनसक्छ भने ‘सात शव जलेर नचिनिने अवस्थामा रहेका छन् ।
© 2025 All right reserved to khabarcnter.com | Site By : Sobij
