२०८२ भाद्र २२ गते आइतवार
२०८२ भाद्र २२ गते आइतवार
काठमाडौं । काठमाडौंमा हुन लागेको ‘जेन जी’ आन्दोलनमा व्यवसायी दुर्गा प्रसाईँ पनि मिसिने भएका छन् । उनले यो आन्दोलनमा चैत १५ गतेजस्तो दमन नगर्न सरकारलाई चेतावनी दिएका छन् ।
सामाजिक सञ्जाल बन्दको विरुद्धमा हुन लागेको आन्दोलनमा राजावादी अभियन्ता प्रसाईँ सहभागी हुने भएका हुन् । ३ वर्षअघि आफूले उठाएको आवाजलाई आज फेसबुक, टिकटकदेखि सम्पूर्ण सञ्चार जगतले पुनः दोहोर्याएको भन्दै उनले धन्यवाद दिएका छन् ।
प्रसाईँले आफ्नो फेसबुकमा लेख्छन्, ‘२२ रुपियाँको भुक्के चप्पलमा सिंहदरबार छिरेका नेताहरूका छोराछोरी आज करोडौँको घडी, लाखौँको जुत्ता-चस्मा र लुइभ्यानटका ४० लाख पर्ने झोला बोकेर हिँडिरहेका छन्।
विदेशसम्म-अमेरिका, युरोप, अष्ट्रेलिया, कम्बोडिया सम्म भ्रष्टाचारको सम्पत्ति बगिरहेको प्रमाणसहित आवाज उठाउँदा मलाई कारागार धकेलियो। राजनीतिक दल र सञ्चार जगतले मलाई हेला गरे, तर आज सत्यको पक्षमा जनचेतना जाग्दै गएको छ। म यस कुरामा धेरै खुसी छु ’।
© 2025 All right reserved to khabarcnter.com | Site By : Sobij
