२०८२ भाद्र २० गते शुक्रवार
२०८२ भाद्र २० गते शुक्रवार
काठमाडौं । एयर इन्डियाको दिल्ली-इन्दौर उडान शुक्रबार इन्दौर विमानस्थलमा आपत्कालीन अवतरण गरिएको छ।
भारतीय सञ्चारमाध्यमका अनुसार १६१ यात्रु सवार विमान इन्जिनमा प्राविधिक गडबडी देखिएपछि आपत्कालीन अवतरण गराइएको हो।
दिल्लीबाट इन्दौर आउँदै गरेको एयर इन्डिया एक्सप्रेस उडान नम्बर आईएक्स-१०२८ का पाइलटले अवतरण गर्नुअघि इन्जिनमा प्राविधिक गडबडी पत्ता लगाएका हुन्। यसपछि सुरक्षाका कारण शुक्रबार बिहान विमानलाई इन्दौर विमानस्थलमा आपत्कालीन अवतरण गराउनुपरेको हो।
एटीसी कन्ट्रोलबाट जानकारी पाउनेबित्तिकै विमानस्थलमा दमकल, एम्बुलेन्स र सीआईएसएफको टोली खटाइएको थियो। विमान बिहान ९स्५४ बजे सुरक्षित अवतरण गराइएको हो।
© 2025 All right reserved to khabarcnter.com | Site By : Sobij
