२०८२ भाद्र १५ गते आइतवार
२०८२ भाद्र १५ गते आइतवार
काठमाडौँ । बिहीबार संघीय मामिला तथा सामान्य प्रशासन मन्त्रालयले २१९ उपसचिव र शाखा अधिकृतको सरुवा गरेको छ । देशभरका नगरपालिका र गाउँपालिकामा निमित्त प्रमुख प्रशासकीय अधिकृत हटाउन मन्त्रालयले एकै पटक ठुलो सङ्ख्यामा कर्मचारी सरुवा गरेको हो ।
नगरपालिकामा प्रशासन क्षेत्रका उपसचिव, गाउँपालिकामा शाखा अधिकृत र प्रमुख प्रशासकीय अधिकृतको दरबन्दी हुने गरेको छ ।
मन्त्रालयका अनुसार हिजो मात्रै १२२ जना उपसचिव र ९७ जना शाखा अधिकृतको सरुवा भएको हो । ‘सङ्ख्याको हिसाबले १२२ जना उपसचिव र ९७ जना शाखा अधिकृतको सरुवा भएको छ,’ मन्त्रालयका एक अधिकारीले भने– ‘यी सरुवामध्ये १०५ वटा नगरपालिकामा उपसचिव र ८६ वटा गाउँपालिकामा शाखा अधिकृत खटाएर निमित्त प्रमुख प्रशासकीय अधिकृतको अवस्था हटाइएको छ ।’ उनले थपे, ‘अब नभन्दा पनि उपसचिव र शाखा अधिकृत दरबन्दी हुनेमा निमित्त छैनन् ।’
१० सहसचिव पद अझै रिक्त
अब नेपालको ६ वटा महानगरपालिकामध्ये ५ वटामा मात्र सहसचिव कार्यरत छन् । एक महानगरका सहसचिवको दरबन्दी परिपूर्ति हुन सकेको छैन । यस्तै ११ वटा उपमहानगरपालिकामध्ये दुई वटामा मात्र सहसचिव कार्यरत छन् भने बाँकी ९ वटा उपमहानगरपालिकामा सहसचिव पद खाली छ । अब एउटा महानगरपालिका र ९ वटा उपमहानगरपालिका गरी कुल १० वटा स्थानीय तहमा सहसचिव पद अझै रिक्त रहेको छ ।
कुन पालिकामा को प्रमुख प्रशासकीय अधिकृत ? (सूचीसहित)
© 2025 All right reserved to khabarcnter.com | Site By : Sobij
