२०८२ भाद्र १३ गते शुक्रवार
२०८२ भाद्र १३ गते शुक्रवार
काठमाडौं । यस वर्षको दसैँमा पनि नयाँ नोट साट्न नपाउने भएको छे । नेपाल राष्ट्र बैंकले यस वर्षको दसैँमा नयाँ नोट नभएर सुकिला नोट नै सटही गरिदिने भएको हो ।
नोटको प्रयोग बढाउन दसैँमा नयाँ नोट बजारमा नपठाउने नीति राष्ट्र बैंकले लिएको छ भने नयाँ नोट एकैपटकमा पुराना भएर राष्ट्र बैंकमा नै फिर्ता आउने भएकाले नोट छाप्न लाग्ने लागत बचाउन दसैँमा सुकिला नोट नै सटही गर्ने व्यवस्था मिलाइने राष्ट्र बैंक मुद्रा व्यवस्थापन विभागका कार्यकारी निर्देशक रामु पौडेलले जानकारी दिएका छन् ।
अहिले पनि सर्वसाधारणले राष्ट्र बैंक तथा बैंकहरूबाट सुकिला नोट साट्न पाउने उनी बताउँछन् । तर, दसैँकै लागि भनेर प्रतिव्यक्ति १८ हजार ५०० रुपैयाँ तोकेर नै नोट सटही गर्ने व्यवस्था मिलाउन बैंकले सूचना जारी गर्ने उनले बताएका छन्। पाँच रुपैयाँको नोट नयाँ नै साट्न पाइने पौडेलले बताएका छन् भने पाँच रुपैयाँका सुकिला नोट सकिएको बताएका छन् ।
बैंकहरूमा सुकिला नोट सकिए र राष्ट्र बैंकमा भएका सुकिला सुकिला नोट पनि सकिए भने आवश्यकताअनुसार नयाँ नोट पनि बैंक तथा वित्तीय संस्थालाई दिने बताएका छन् ।
राष्ट्र बैंकले गत वर्षदेखि दसैँका लागि नयाँ नोट सटही गर्न छाडेको छ । नोट छाप्न बढी लागत लाग्ने र दसैँमा नोटको सुरक्षा नहुने भएकाले दसैँलाई भनेर नयाँ नोट सटही नगरिने नीति ल्याइएको उनी बताएका छन् । गत वर्ष पनि दसैँका लागि राष्ट्र बैंकले सुकिला नोट नै सटही गरेको थियो ।
© 2025 All right reserved to khabarcnter.com | Site By : Sobij
