२०८२ भाद्र १२ गते बिहिवार
२०८२ भाद्र १२ गते बिहिवार
काठमाडौं । काठमाडौं महानगरपालिकाले आफ्ना मातहतका सम्पूर्ण वडा कार्यालय र मातहतका कार्यालयहरूमा इन्टरनेट सेवाको स्तरोन्नति गर्ने भएको छ । महानगरले हाल प्रयोग भइरहेको ’डेडिकेटेड लिज लाइन’ को सट्टा नेपाल टेलिकमको ’कर्पोरेट प्याकेज’ जडान गर्ने निर्णय गरेको छ ।
महानगरपालिकाको सूचना प्रविधि विभागले जारी गरेको पत्र अनुसार महानगरपालिकाको सूचना प्रविधि समिति र नेपाल टेलिकमका अधिकारीहरु बीच छलफल पछि साउन २७ निर्णय भएको हो ।
महानगरपालिकाको सूचना प्रविधि विभागका विभागीय प्रमुख अनिरुद्र नेपालका अनुसार ‘महानगरपालिका अन्तर्गतका सम्पूर्ण कार्यालयहरूमा विगत देखि डेडिकेटेड लिज लाइन प्रयोग हुँदै आएकोमा इन्टरनेटलाई थप सुदृढ र प्रभावकारी बनाउनका लागि टेलिकमको कर्पोरेट प्याकेज जडान गर्ने निर्णय भएको हो ।
नेपाल टेलिकमका प्रतिनिधि र महानगरपालिकाको सूचना प्रविधि विभागका कर्मचारीहरू उक्त प्याकेज जडानका लागि महानगरका सबै कार्यालयहरूमा खटिने भन्दै विभागले परिपत्र गरेको हो ।
महानगरपालिकाले आफ्ना सबै वडा कार्यालय, स्वास्थ्य प्रवर्धन केन्द्र र आयोजना कार्यालयहरूलाई कर्पोरेट प्याकेज जडान गर्न सहजीकरणको लागि पत्र पठाएको हो ।
© 2025 All right reserved to khabarcnter.com | Site By : Sobij
