२०८२ भाद्र ४ गते बुधवार
२०८२ भाद्र ४ गते बुधवार
काठमाडौं । त्रिभुवन राजपथस्थित धादिङको धुनिवेशी नगरपालिका-७ मा भारतीय नम्बरको ट्रकको ठक्करबाट मोटरसाइकल चालकको मृत्यु भएको छ । मृत्यु हुनेमा ध.२प. ३१४६ नम्बरको मोटरसाइकल चालक करिब ४२ वर्षीय पुरुष रहेका छन् ।
उनको परिचय खुलेको छैन। बुधवार मध्यान्ह धुनिवेशीस्थित नौबिसेमा चितवनबाट काठमाडौं जाँदै गरेको मोटरसाइकललाई विपरीत दिशाबाट आएको युपी-५१ सिटी-२६०१ नम्बरको ट्रकले ठक्कर दिएको राजमार्ग सुरक्षा तथा ट्राफिक व्यवस्थापन कार्यालय चितवनका एसपी नरेश सुवेदीले बताएका छन् ।
ट्रक अनियन्त्रित भएर सडकबाट करिब २५ मिटर तल खसेको छ भने दुर्घटनामा ५ जना घाइते भएका छन् । घाइते हुनेमा मोटरसाइकल पछाडि सवार एक जना, ट्रक चालक २५ वर्षीय भारतीय नागरिक ईसाद आलम, ट्रकमा सवार जावी अन्सारी, उस्मान अन्सारी र ओस्लिम आलम रहेका छन् । मोटरसाइकल चालकको दुर्घटनापछि उपचारको क्रममा काठमाडौंको ट्रमा सेन्टरमा मृत्यु भएको हो ।
© 2025 All right reserved to khabarcnter.com | Site By : Sobij
