२०८२ भाद्र १० गते मंगलवार
२०८२ भाद्र १० गते मंगलवार
काठमाडौं । लगातार वर्षासँगै सोमबार (साउन १८) दिउँसो सिद्धार्थ राजमार्गअन्तर्गत पाल्पाको सिद्धबाबा क्षेत्रमा पहिरो खस्दा सडक अवरुद्ध भएको छ ।
सिद्धबाबा मन्दिरनजिकै कम्तीमा दुईदेखि तीन स्थानमा ठूलो चट्टान र माटोसहितको पहिरो खसेको इलाका प्रहरी कार्यालय दोभानले जनाएको छ ।
सडक पूर्ण रूपमा अवरुद्ध छ । तत्काल खुलाउने सम्भावना न्यून छ । सवारीसाधन बीचबाटोमा रोकिएका छन् । जोखिमका कारण उद्धार कार्यमा समेत कठिनाइ भएको प्रहरीले जनाएको छ ।
निरन्तर वर्षा भइरहेकाले थप पहिरो खस्ने सम्भावनाका कारण सुरक्षालाई मध्यनजर गर्दै तत्काल ठूलो मेसिन पठाउन कठिन भएको जनाइएको छ ।
उक्त क्षेत्रमा सरकारले सुरुङमार्ग निर्माण गरिरहेको छ । सुरुङको ‘ब्रेक थ्रु’ भइसकेको छ । लाइनिङका कामहरू भइरहेको आयोजनाले जनाएको छ ।
© 2025 All right reserved to khabarcnter.com | Site By : Sobij
