२०८२ भाद्र १० गते मंगलवार
२०८२ भाद्र १० गते मंगलवार
काठमाडौं । गुन्डा नाइके युवराज गुरुङ उर्फ सानुभाइसँग झगडा गरेको आरोपमा प्रहरीले ठमेलस्थित क्लब ओम्नियाका सञ्चालकलाई पनि पक्राउ गरेको छ । साउन १५ मा बिहान नर्सिङ चोक स्थित नगरकोट दोहोरीमा झगडा गरेको आरोपमा सानुलाई पक्राउ परेका थिए ।
दोहोरीमा सानुभाइसँग झगडा गरेको पुष्टि भएपछि नुवाकोट घर भएका राजेन्द्र गुरुङलाई पक्राउ गरिएको काठमाडौंका एसएसपी विश्व अधिकारीले बताए । गुरुङ क्लब ओम्नियाको सञ्चालक हुन् । नगरकोट दोहोरीमा जम्काभेट भएपछि सानुलाई र गुरुङको समूहले झगडा गरेको प्रहरी अधिकारीहरू बताउँछन् ।
सानुभाइसँगै बिहीबार नुवाकोट सूर्यगढी गाउँपालिका–२ घर भएका रवीन्द्र तामाङ र पाँचथर फिदिमका दिल कुमार तुम्बापो पक्राउ परेका थिए । उनीहरूविरुद्ध प्रहरीले अभद्र व्यवहार सम्बन्धी कसुरमा ४ दिनको म्याद लिएर अनुसन्धान गरिरहेको छ ।
२०८० असार १५ मा ओम्नियामा प्रवेश गर्दा आफूलाई ‘सम्मान भएनन्’ भनेर सानुभाइको समूहले क्लब सञ्चालक राजेन्द्र गुरुङलाई आक्रमण गरेका थिए । त्यसबेला प्रहरीले सानुभाइलाई २०८० असार ३१ मा पक्राउ गरेर ठमेल क्षेत्रमा हत्कडी सहित घुमाएको थियो । सो प्रकरणमा उनी १० हजार धरौटीमा रिहा भएका थिए ।
नुवाकोटको ककनी गाउँपालिका–५ घर भएर टोखा स्थित सूर्यदर्शन हाइटमा बस्ने ३३ वर्षीय सानुलाई कुमार श्रेष्ठ ‘घैँटे’का सहयोगी हुन् । कुमार ‘घैँटे’ प्रहरी इन्काउन्टरमा मारिएका थिए ।
© 2025 All right reserved to khabarcnter.com | Site By : Sobij
