२०८२ भाद्र १६ गते सोमवार
२०८२ भाद्र १६ गते सोमवार
काठमाडौं । चर्चित टिकटकर तथा कन्टेन्ट क्रियटर आयुष सिंह ठकुरीले फिल्ममा डेब्यु गर्ने भएकी छन्। उनले माइकल चन्दको निर्देशनमा बन्न लागेको फिल्म ‘राम नाम सत्य’मार्फत सिनेक्षेत्रमा प्रवेश गर्न लागेका हुन्।
सोमबार निर्माणपक्ष र आयुषबीच कागजी सम्झौता भएको हो। फिल्मका निर्देशक माइकल चन्द, निर्माता उपेन्द्र शाहीले आयुषसँग सम्झौता गरे।
फिल्म साइन गरेपछि आयुषले भने ‘मलाई थुप्रै फिल्मको अफर आइरहेको छ। तर, मैले ‘राम नाम सत्य’को कथा सुनेपछि यही फिल्मबाट डेब्यू गर्ने निर्णय लिएको हुँ। यो फिल्मको कथा र मेरो भूमिका पावरफूल छ। यसैले साइन गरेको हुँ।’
फिल्म ‘राम नाम सत्य’का लागि केही महिनादेखि आयुषले मिहिनेत गरिरहेका छन्। फिल्मका निर्देशक माइकल चन्दले भने, ‘आयुष र हामीबिच काम गर्ने सहमती भएसँगै हामीले उनलाई एक्सनको तालिम पनि दिइरहेका छौँ। अब, उनले अभिनयको कोर्स पनि सुरु गर्दैछन्। उनले फिल्मका लागि निकै मिहिनेत गरिरहेका छन्।’
साउनको २९ गते शुभसाइत गरेर फिल्मको छायांकन गर्ने तयारी छ। यस फिल्मलाई एक्सन, सस्पेन्स र प्रेमकथामा तयार पार्ने तयारी निर्माणपक्षको छ।
यसअघि फिल्ममा विराज भट्ट, सुशिल श्रेष्ठ, दिव्या रायमाझी, सुपुष्पा भट्ट, अर्पण थापा, सुनिल थापा, दिनेश डीसी, रवि गिरी लगायत फाइनल भइसकेका छन्। अब, एक अभिनेत्री फाइनल गरेपछि कलाकारहरुको लाइनअप पूरा हुने निर्माणपक्षले बताएको छ ।
उपेन्द्र शाही र स्वेता विमली निर्माता रहेको फिल्ममा किशोर भट्ट र डाक्टर डीआर उपाध्याय सह–निर्माताको रुपमा छन् । संजय लामाको डीओपी रहने फिल्मको छायांकन चितवन, काठमाडौं लगायतका स्थानमा गरिनेछ।
© 2025 All right reserved to khabarcnter.com | Site By : Sobij
