२०८२ भाद्र ११ गते बुधवार
२०८२ भाद्र ११ गते बुधवार
काठमाडौं । नक्कली सुन देखाएर ठगेको आरोपमा प्रहरीले भक्तपुरबाट दुई जनालाई पक्राउ गरेको छ ।
पक्राउ पर्नेमा सिन्धुपाल्चोकको बाह्रबिसे नगरपालिका-५ घर भएका २८ वर्षीय बुद्धि बहादुर तामाङ र नुवाकोटको मेगङ गाउँपालिका–८ घर भएका २२ वर्षीय सुमन तामाङ रहेका छन् ।
सुनको नक्कली बिस्कुट देखाएर आरोपीहरूले दुई जनाबाट २१ लाख ५० हजार ठगी गरेको उपत्यका अपराध अनुसन्धान कार्यालयका एसपी काजी कुमार आचार्यले बताएका छन् । २०८१ फागुन २५ मा उनीहरूले एक जना पीडितलाई प्रतितोला १ लाख १० हजारमा सुन दिन्छौँ भनेर १२ लाख रुपैयाँ ठगेको प्रहरीको अनुसन्धानबाट थाहा भएको छ ।
२०८२ जेठ २७ मा अर्का पीडितलाई भक्तपुरको पाण्डु बजारमा बोलाएर ९ लाख ५० हजार ठगी गरेको एसपी आचार्यले जानकारी दिएका छन् ।अपराध अनुसन्धान कार्यालयले उनीहरूलाई साउन ९ मा पक्राउ गरेर जिल्ला प्रहरी परिसर भक्तपुरमा बुझाएको छ ।
© 2025 All right reserved to khabarcnter.com | Site By : Sobij
