२०८२ भाद्र १२ गते बिहिवार
२०८२ भाद्र १२ गते बिहिवार
काठमाडौं । सभामुख देवराज घिमिरेले भिजिट भिसा प्रकरणमा संसद्मा निरन्तर विरोधमा उत्रेका रास्वपा र राप्रपाका नेताहरूसँग छलफल गरेका छन् ।
सभामुखले कानुन, न्याय तथा संसदीय मामिला मन्त्री अजयकुमार चौरसियासहित रास्वपा कार्यवाहक सभापति डीपी अर्याल र राप्रपा उपाध्यक्ष बुद्धिमान तामाङसँग छलफल गरेका हुन् ।
सभामुख घिमिरेले भिसा प्रकरणलाई लिएर दुवै दल निरन्तर संसदीय कारबाहीमा सहभागी नभएको भन्दै सरकार र दलहरूबिच संवाद हुन नसक्दा त्यसको असर संसद्मा परेको बताएका छन् ।
उनले दलहरुको सैद्धान्तिक, राजनीतिक मुद्दाहरूप्रति आफ्नो केही भन्नु नरहेको भन्दै संसदीय गतिविधि प्रभावित नपार्न आग्रह गरेका छन् ।
छलफलमा कानुन, न्याय तथा संसदीय मामिला मन्त्री चौरसियाले सरकारले छानबिन समिति बनाएर काम सुरु गरेको भन्दै विपक्षीलाई नजरअन्दाज गरेर सरकार अघि बढ्न नचाहेको बताएका छन् ।
रास्वपा कार्यवाहक सभापति अर्यालले आफूहरूले उठाएका मुद्दा धेरै गम्भीर भएपनि सम्बोधन गर्न छाडेर सरकारले उल्टै गैरजिम्मेवारी देखाएको बताएका छन् ।
© 2025 All right reserved to khabarcnter.com | Site By : Sobij
