२०८२ चैत्र २ गते सोमवार
२०८२ चैत्र २ गते सोमवार
काठमाडौं । महोत्तरी गाउँँपालिका-१ का ३१ वर्षीय विमलेश यादवको हत्या आरोपमा प्रहरीले एक युवतीलाई पक्राउ गरेको छ । प्रहरीले हत्यामा संलग्न युवतीको नाम र ठेगाना भने खुलाएको छैन ।
यादवको हत्यामा विवाहेतर सम्बन्ध कारण रहेको प्रहरीको प्रारम्भिक अनुमान गरीएको छ । धनुषाका प्रहरी नायब उपरीक्षक वरुणबहादुर सिंहले शनिबार राति जनकपुरको होटेल एसपी एन्ड गेस्टहाउसमा छुरा प्रहार गरी एक तलाबाट खसालेर यादवको हत्या गरिएको जानकारी दिएका छन् ।
शनिबार राति यादव एक युवतीसहित होटेलमा पसेको सीसीटीभी फुटेजमा देखिन्छ भने त्यसको करिब पाँच घण्टापछि बिहान २ बजेर ५७ मिनेटमा यादव नग्न र रक्ताम्य अवस्थामा होटेलको पहिलो तलाबाट खसेको सीसीटीभी फुटेजमा देखिन्छ ।
युवती तल ओर्लेर दायाँबायाँ, तलमाथि हेर्दै खसेका युवकको छेउबाट भागेको दृश्य सीसीटीभी क्यामेरामा कैद रहेको उनले बताएका छन् ।
प्रादेशिक अस्पताल जनकपुरमा उपचारका क्रममा यादवको मृत्यु भएको थियो । अनुसन्धानमा संलग्न एक प्रहरी अधिकारीका अनुसार, सीसीटीभी फुटेजका आधारमा ती युवतीमाथि नै अनुसन्धान केन्द्रित रहेको बताएका छन् ।
© 2026 All right reserved to khabarcnter.com | Site By : Sobij
