२०८२ चैत्र २ गते सोमवार
२०८२ चैत्र २ गते सोमवार
काठमाडौं । मकवानपुरको कैलाश गाउँपालिका-३ मा सञ्चालित बालगृहमा १७ वर्षीया किशोरीमाथि पटक–पटक बलात्कार गरेको आरोपमा बालगृहका प्रमुख अधिकृत पक्राउ परेका छन् ।
सांग्रिला डेभलपमेन्ट एसोसिएसनद्वारा सञ्चालित बालगृहका ४८ वर्षीय प्रमुख मधुसूदन राउतलाई प्रहरीले काठमाडौंको काँडाघारी क्षेत्रबाट शुक्रबार दिउँसो पक्राउ गरेको छ । जिल्ला प्रहरी कार्यालय मकवानपुरका प्रवक्ता प्रहरी नायव डीएसपी श्यामु अर्यालले शनिबार राउतलाई मकवानपुर ल्याइएको आइतबार म्याद थप गरी थप अनुसन्धान प्रक्रिया अघि बढाइने बताएका छन्।
पीडित किशोरी ४ वर्षदेखि उक्त बालगृहमा बस्दै आएकी थिइन् । असार ८ गते किशोरीले जिल्ला प्रहरी कार्यालय मकवानपुरमा राउतविरुद्ध जाहेरी दर्ता गरेकी थिइन् ।
बालगृहमा हाल १५ जना बालिकाहरू रहेका छन् । घटना सार्वजनिक भएपछि बालगृहको व्यवस्थापन, सुरक्षा स्थिति तथा सञ्चालन प्रक्रिया प्रश्नको घेरामा परेको छ ।
© 2026 All right reserved to khabarcnter.com | Site By : Sobij
