२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । पूर्वउपप्रधानमन्त्री तथा नेकपा एकता राष्ट्रिय अभियानका अध्यक्ष वामदेव गौतमलाई नेकपा एकीकृत समाजवादीमा तेस्रो वरीयताको वरिष्ठ उपाध्यक्ष दिने सहमति भएको छ ।
शुक्रबार बिहान एकीकृत समाजवादीका अध्यक्ष माधव नेपाल र गौतमबिच पार्टी एकता गर्ने सहमतिसँगै गौतमलाई तेस्रो वरीयताको वरिष्ठ नेता बनाउने सहमति भएको एकीकृत समाजवादीका उपाध्यक्ष तथा प्रचार विभाग प्रमुख प्रकाश ज्वालाले जानकारी दिएका छन् ।
हाल एकीकृत समाजवादीमा अध्यक्ष माधव नेपाल पहिलो बरियता, झलनाथ खनाल दोस्रो वरीयतामा रहेका छन् । गौतम खनालपछिको वरीयतामा हुने छन् ।
दुई पार्टी बिचको एकता घोषणा साउन २ गते हुने सहमतिमा उल्लेख छ ।
शुक्रबार माधव नेपालसँग एकता गर्ने सहमतिपछि गौतमले एकीकृत समाजवादीको कार्यदिशा, विचार र सिद्धान्त मान्न आफू तयार भएर एकता गर्ने निर्णयमा पुगेको बताएका छन् ।
© 2025 All right reserved to khabarcnter.com | Site By : Sobij
