२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । रसुवाको भोटेकोसीमा मंगलबार आएको बाढीले नेपाल-चीन जोड्ने मितेरी पुल बगाएको छ । बाढीले पुल बगाएपछि चीनसँगको सम्पर्क टुटेको छ । सँगै बाढीले ठूलो जनधनको क्षति पुर्याएको छ ।
चीनतर्फबाट आएको बाढीले गोसाइँकुण्ड गाउँपालिका–२ स्थित रसुवागढी क्षेत्रमा वितण्डा मच्चाउँदा टिमुरे भन्सार क्षेत्र ध्वस्त भएको छ । नेपाल प्रहरीका अनुसार रसुवामा गएको बाढीमा बेपत्ता भएकामध्ये ९ जनाको शव फेला परेको छ । प्रहरी प्रधान कार्यालयले उपलब्ध गराएको पछिल्लो विवरणअनुसार अझै १९ जना बेपत्ता छन् । प्रहरीका अनुसार दुई प्रहरी, ६ जना चिनियाँ नागरिक र ११ जना सर्वसाधारण बेपत्ता छन् ।
बाढीले स्याफ्रुबेसी देखि टिमुरे जाने सडकसमेत पूर्ण रूपमा अवरुद्ध भएको छ । रसुवागढी हाइड्रोको ड्याम, भन्सार कार्यालय रसुवाको यार्डमा समेत क्षति पुगेको छ ।
तस्वीरहरू: प्रकाशचन्द्र तिमिल्सेना/ नेपाल फोटो लाइब्रेरी
© 2025 All right reserved to khabarcnter.com | Site By : Sobij
