२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । मोरङको रतुवामाई नगरपालिका-६ मा अंश विवादमा देवरद्वारा भाउजूको हत्या भएको छ ।
अंश विवादमा ६० वर्षीया टिकामाया कार्की बस्नेतको हत्या भएको छ। प्रहरीले हत्याको आरोपमा टिकामायाका देवर ६९ वर्षीय टंकबहादुर बस्नेतलाई पक्राउ गरेको छ।
जिल्ला प्रहरी कार्यालय मोरङले जारी गरेको प्रेस विज्ञप्तिअनुसार गत असार २१ गते दिउँसो करिब ४ बजे टिकामाया आफ्नै बारीमा मृत अवस्थामा फेला परेको सूचना प्रहरीलाई प्राप्त भएको थियो। उनी बोल्न पनि सक्दैन थिइन् ।
टिकामायालाई उनकै देवर टंकबहादुर बस्नेतले दाजुभाइबिच चलेको अंशसम्बन्धी मुद्दामा उच्च अदालतबाट फैसला भइसकेको विषयलाई लिएर झगडाको कारण हत्या गरेको खुलासा भएको थियो। टंकबहादुरले हँसियाको बिँडले टिकामायाको टाउकोको पछाडि, प्रहार गरी हत्या गरेको प्रहरीको भनाइ रहेको छ।
सिजुवाबाट प्रहरी निरीक्षकको कमान्डमा खटिएको टोली र कोशी अस्पतालबाट फरेन्सिक डाक्टरसहितको टोलीले घटनास्थलमा पुगेर शव जाँच गर्दा मृतकको टाउकोको पछाडि, भागमा भित्री चोट लागेर मृत्यु भएको खुलेको फरेन्सिक डाक्टरले बताएका थिए।
प्रहरीले असार २३ गते टंकबहादुर बस्नेतलाई उनकै घरबाट हत्यामा प्रयोग भएको हँसियासहित नियन्त्रणमा लिएको छ।
© 2025 All right reserved to khabarcnter.com | Site By : Sobij
