२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । प्रतिनिधिसभाको सोमबारको बैठकमा विशेष समय लिएर बोल्दै नेकपा एमालेका सांसद सूर्यबहादुर थापाले सर्वोच्च अदालतले दिएको आदेशको विरूद्ध हुने गरी राष्ट्रिय स्वतन्त्र पार्टीले नाटकीय रूपमा हस्ताक्षर अभियान चलाइरहेको बताएका छन् ।
उनले राष्ट्रिय स्वतन्त्र पार्टी र सहकारीको रकम ठगीको आरोपमा थुनामा रहेका रवि लामिछानेको नाम नलिई सर्वोच्च अदालतले दिएको आदेशको विरूद्ध १५ पेजको याचना पत्रसहित हस्ताक्षर अभियान जारी राखिएको बताएका छन् ।
सांसद थापाले भने, ‘सर्वोच्च अदालतले कागजातका आधारमा फैसला गर्छ । त्यो आदेशलाई हस्ताक्षरले बदल्न सक्दैन ।
उनले अदालतको फैसलामा कसरी राजनीतिक प्रतिशोध हुन्छ भनेर प्रश्न पनि गरेका छन् । आफूसमेत संलग्न संसदीय विशेष छानबिनले छानबिन गर्न दिएको आदेशमा छानबिन भएर दायर भएको मुद्दामा अदालतले गरेको फैसलाको विरूद्धमा हस्ताक्षर सङ्कलन भइरहेको भन्दै आपत्ति जनाएका छन् ।
© 2025 All right reserved to khabarcnter.com | Site By : Sobij
