२०८३ बैशाख १७ गते बिहिवार
२०८३ बैशाख १७ गते बिहिवार
काठमाडौं । बैंक तथा वित्तीय संस्थाले अभिमोच्य तथा असञ्चित अग्राधिकार सेयर जारी गर्न पाउने भएका छन् ।
नेपाल धितोपत्र बोर्डले धितोपत्र निष्कासन तथा बाँडफाँड (नवौँ संशोधन) निर्देशिका २०८२ मार्फत यस्तो व्यवस्था गरेको छ ।
यसअघि बैंकहरूलाई डिबेञ्चर जारी गर्ने बाटो मात्रै खुला थियो । त्यसले सहायक पुँजीकोषको काम गर्ने भए पनि बैंकहरू प्राथमिक पुँजीकोषमा कमजोर रहँदै आएका थिए । यसलाई समाधान गर्न बैंकहरूलाई हकप्रद सेयर वा एफपीओ जारी गर्नुपर्ने अवस्था थियो ।
अभिमोच्य सेयर भन्नाले एक पटक जारी गरिएको शेयर डिबेञ्चरजस्तो फिर्ता नभई शेयरजस्तै फिर्ता नहुने खालको अवस्थालाई जनाउँछ । त्यस्तै, असञ्चित असञ्चिति सेयर भन्नाले कुनै वर्ष बैंकले लाभांश दिन नसक्ने अवस्था भएमा अर्को वर्ष जोडेर दिनु नपर्ने अवस्थालाई जनाउँछ ।
निर्देशिकामा नेपाल राष्ट्र बैंकबाट अविमोच्य असंचिति अग्राधिकार सेयर निष्कासनका लागि स्वीकृति पाएको बैंक तथा वित्तीय संस्थाले मात्र यस्तो सेयर निष्कासनका लागि बोर्डमा आवेदन दिन सक्नेछ जानकारी दिएको छ।
© 2026 All right reserved to khabarcnter.com | Site By : Sobij
