२०८२ चैत्र २ गते सोमवार
२०८२ चैत्र २ गते सोमवार
काठमाडौं । सार्वजनिक खरिद अनुगमन कार्यालयले एकै पटक चार कम्पनी कालो सूचीमा राखेको छ ।
अनुगमन कार्यालयले चारवटै कम्पनीलाई १/१ वर्षका लागि कालोसूचीमा राखिएको जनाएको छ । कालोसूचीमा पर्नेमा डीजी इगल कन्स्ट्रक्सन एन्ड विल्डर्स प्रालि, थोमस कन्स्ट्रक्सन एन्ड सप्लायर्स प्रालि, ग्रीन लिफ प्रालि र शिवम् कन्स्ट्रक्सन रहेका छन् ।
डीजी इकल कन्स्ट्रक्सन एन्ड विल्डर्स प्रालिलाई १ वर्षका लागि कालो सूचीमा राखिएको छ भने यस कन्स्ट्रक्सनका मुख्य व्यक्ति रघुनाथ कुमार ठाकुर रहेका छन् ।
थोमस कन्स्ट्रक्सन एन्ड सप्लायर्स प्रालिलाई सहरी विकास तथा भवन कार्यालय विराटनगर मोरङको सिफारिसमा १ वर्षका लागि कालोसूचीमा राखिएको छ । यसका मुख्य व्यक्ति मुन्नी कुमारी मेहता हुन् ।
काठमाडौं महानगरपालिका २८ को ग्रीन लिफ प्रालिलाई कालोसूचीमा राख्न बीपी कोइराला स्वास्थ्य विज्ञान प्रतिष्ठान धरान सुनसरीले सिफारिस गरेको थियो भने ग्रीन लिफ प्रालिका मुख्य व्यक्ति लुना खरेल रहेका हुन् ।
जनकपुर उपमहानगरपालिका ८ धनुषाको शिवम् कन्स्ट्रक्सनलाई कालो सूचीमा राख्न गौशाला नगरपालिकाको कार्यालय महोत्तरीले सिफारिस गरेको थियो । शिवम् कन्स्ट्रक्सनका मुख्य व्यक्ति राधेश्याम झा छन् ।
निर्माण व्यवसायी तथा आपूर्तिकर्ताहरूले कालोसूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन नसक्ने समेत कार्यालयले जानकारी दिएको छ ।
© 2026 All right reserved to khabarcnter.com | Site By : Sobij
