२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । देशभर सुनचाँदीको कारोबार ठप्प पारेर व्यवसायीहरू आन्दोलनमा होमिएका छन् । आगामी आर्थिक वर्षको बजेट मार्फत सुनमा लगाइएको विलासी कर हटाउनु पर्ने माग राख्दै सुनचाँदी व्यवसायीहरू आन्दोलनमा उत्रिएका हुन् ।
सरकारले बजेट मार्फत सुनमा २ प्रतिशत विलासिता कर र हिरा तथा पत्थरमा १३ प्रतिशत मूल्य अभिवृद्धि कर (भ्याट) लगाउने व्यवस्था गरेको छ । यो व्यवस्था हटाउन माग गर्दै व्यवसायीहरूले अर्थमन्त्रीदेखि प्रधानमन्त्रीसम्मलाई भेटेका थिए । उनीहरूको माग सम्बोधन नभएपछि व्यवसायी पसल बन्द गरेर आन्दोलनमा उत्रिएका हुन् ।
नेपाली बजारका लागि सुनचाँदीको मूल्य तोक्ने अधिकार पाएको नेपाल सुनचाँदी व्यवसायी महासङ्घले पनि नयाँ मूल्यसूची सार्वजनिक गरेको छैन । पछिल्लो पटक गत बिहीबार महासङ्घले मूल्य सार्वजनिक गरेकाे थियो । त्यसयता सुनचाँदीको मूल्य सार्वजनिक गरिएको छैन ।
© 2025 All right reserved to khabarcnter.com | Site By : Sobij
