२०८२ चैत्र २ गते सोमवार
२०८२ चैत्र २ गते सोमवार
काठमाडौं । बजेटले सबै किसिमका सुनका गरगहनामा २ प्रतिशत विलासी कर थपेपछि व्यवसायीले विरोध प्रदर्शन गरेका छन् । नेपाल सुनचाँदी व्यवसायी महासंघले आज आइतबार सुनचाँदीको नयाँ मूल्य समेत निर्धारणमा समेत विलम्व गरेर विरोध जनाएको छ ।
सुनचाँदीको मुख्य कारोबार हुने स्थान न्यूरोडसहित उपत्यकाका अधिकांश सुनचाँदी पसल आइतबार पनि बन्द रहेका छन् । महासंघका अध्यक्ष अर्जुन रसायलीले आफूहरुका माग सम्बोधन नभएसम्म कारोबार ठप्प हुने जानकारी दिएका छन् ।
कारोबार नै ठप्प भए पनि नयाँ मूल्य भने तय गरिने रसायलीले बताएका छन् । ‘नयाँ मूल्य केही बेरमै तय हुन्छ, तर माग सम्बोधन नभएसम्म विरोध कायमै रहन्छ’ उनले बताए ।
सुनचाँदी व्यवसायी भन्छन्, बजेटअघि १० लाखमाथिको सुनका गरगहना एकैपटक खरिद गर्दा मात्रै विलासी कर लाग्दथ्यो । त्यसो हुँदा एकै व्यक्ति तथा परिवारले १० लाखमुनि हुनेगरी धेरै पटक गरगहना खरिद गर्दथे । २ प्रतिशत विलासिता शुल्कले सुनको गरगहना ६ प्रतिशतसम्म महँगो पर्न जाने व्यवसायीको भनाइ रहेको छ ।
सरकारले बजेट संशोधनका क्रममा माग पूरा गर्ने आश्वासन दिए पनि सम्बोधन नगरेको भन्दै व्यवसायी आक्रोशित बनेका छन् ।
© 2026 All right reserved to khabarcnter.com | Site By : Sobij
