२०८२ चैत्र २ गते सोमवार
२०८२ चैत्र २ गते सोमवार
गोरखा । गोरखामा एक ७ बर्षीया बालिकाको शव आफ्नै घरभित्र झुण्डिएको अबस्थामा फेला परेको छ ।
भिमसेनथापा गाउँपालिका १ मसेल, गैराथोककी सात बर्षकी संगीता बरामको शव आफ्नै घरभित्र छानोको डाँडाभाटामा नाम्लोको पाँशो लगाएर झुण्डिएको अबस्थामा भेटिएको प्रहरी नायव उपरीक्षक इन्द्रप्रसाद सुवेदीले जानकारी दिए ।
केही समय अघिसम्म साथीहरुसंग खेलिरहेकी उनको शव घरभित्र झुण्डिरहेको अबस्थामा देखेपछि उनकै दाइ १० बर्षका सन्दीप बरामले चिच्याउँदा कान्छा हजुरबुबाले डोरी काटेर उद्धार गरेका थिए । तर उद्धार गर्दासम्म संगीताको मृत्यु भइसकेको प्रहरीले जनाएको छ ।
उनको शव शनिबार बिहानै पोस्टमार्टमका लागि गोरखा सदरमुकाम लगिएको थियो तर, घटना शंकास्पद भएकाले पोस्टमार्टम गर्न शिक्षण अस्पताल काठमाडौं पठाइएको प्रहरीले जनाएको छ । संगीता स्थानीय कनकामना आधारभूत विद्यालयमा कक्षा चारमा पढ्ने बालिका हुन् ।
केही समयअघिसम्म साथीसंगीहरुसंग खेलिरहेकी उनी अचानक झुण्डिएको अबस्थामा मृत फेला परेकाले घटना रहस्यमय भएको स्थानीयको भनाइ छ ।
© 2026 All right reserved to khabarcnter.com | Site By : Sobij
