२०८२ भाद्र २४ गते मंगलवार
२०८२ भाद्र २४ गते मंगलवार
- जुन तह र सेवाका लागि तयारी गर्न चाहेको हो, त्यससँग सम्बन्धित विषयवस्तु, परिभाषा, उक्त विषयको आयाम, सन्दर्भ विश्लेषण र सबल तथा र दुर्बल पक्ष राम्रोसँग पढ्नुपर्छ ।
- हरेक विषयको सिद्धान्त र क्षेत्रका बारेमा गहिरो जानकारी हुनुपर्छ ।
- सम्बन्धित विषयमा काम गरिसकेका, व्यावहारिक रूपमा जानकार र अवकाशप्राप्त कर्मचारी वा व्यक्तिले लेखेका पुस्तक एवं लेखहरू नियमित पढ्नुपर्छ ।
- नोट वा तयारी पुस्तकमा रहेका सामग्री रट्ने वा हुबहु लेख्ने गर्नु हुँदैन ।
- विषयलाई राम्रोसँग बुझ्ने, उक्त विषयमा आफ्नो धारणा बनाउने र आफैँ विश्लेषण गरेर लेख्नुपर्छ । लेख्दा भाषा जतिसक्दो सरल बनाउन कोसिस गर्नुपर्छ ।
- हरेक विषयलाई उत्तिकै ध्यान दिनुपर्छ । बढीभन्दा बढी ज्ञान हासिल गर्नुपर्छ ।
-तयारी कक्षा लिइरहेकाहरूले कक्षामा पढेका कुरा घरमा गएर दोहोर्याएर पढ्नुपर्छ । लोकसेवा परीक्षाको तयारी गरिरहेका विद्यार्थीले एक वर्ष वा ६ महिना राम्रोसँग पढ्दा पास गर्न सजिलो हुन्छ ।
- तयारीका क्रममा इन्टरनेटको जतिसक्दो धेरै प्रयोग गर्नुपर्छ । आफूले अध्ययन गरिरहेको विषयवस्तुमा नयाँ तथ्यांक वा मत अपडेट भयो कि भन्नेमा विशेष ध्यान दिनुपर्छ ।
- सुशासन ऐन, सूचनाको हकसम्बन्धी ऐन, निजामती सेवा ऐन, नियमावली, स्थानीय सरकारी सञ्चालन ऐन, वित्तीय व्यवस्थापन ऐनजस्ता विविध व्यावहारिक पक्षको अध्ययन गरिनुपर्छ ।
- बुझेर पढ्नुपर्छ, तनावमुक्त र एकत्रित भएर पढ्नुपर्छ । कम्तीमा दैनिक तीन घन्टा लोकसेवाकै तयारी गर्नुपर्छ ।
© 2025 All right reserved to khabarcnter.com | Site By : Sobij
