२०८२ चैत्र २ गते सोमवार
२०८२ चैत्र २ गते सोमवार
काठमाडौं। राष्ट्रिय गौरवको बुढीगण्डकी परियोजना शीघ्र कार्यान्वयन गराउने विषयमा छलफल भएको छ । शनिबार नेपाल समाजवादी पार्टी (नयाँ शक्ति) का अध्यक्ष डा।बाबुराम भट्टराईले सरोकारवाला एवं विज्ञहरूसँग छलफल गरेका हुन् ।
आगामी आर्थिक वर्ष २०८२/८३ को बजेटमा सरकारले बुढीगण्डकी बहुउद्देश्यीय परियोजनालाई निजी क्षेत्रसँग सहकार्य गरेर अगाडि बढ्ने भन्ने नीति लिएसँगै पूर्व प्रधानमन्त्री समेत रहेका भट्टराईले गोरखा र धादिङका सरोकारवाला एवं विज्ञहरूसँग छलफल गरेका हुन् ।
छलफलमा परियोजनालाई लिएर सरकारको आलोचना गरिएको छ । अझै व्यापक रूपमा परामर्श गरेर आवश्यक कदम चाल्ने विषयमा समझदारी भएको डा।भट्टराईले बताए ।
उनले सामाजिक सञ्जालमा फेसबुकमा लेखेका छन्,‘राष्ट्रिय गौरवको बुढीगण्डकी परियोजना तुहाउँदै लगिएको सन्दर्भमा त्यसलाई बचाउन र शीघ्र कार्यान्वयन गराउन आवश्यक पहल गर्नेबारे गोरखा र धादिङका सरोकारवालाहरू र सम्बन्धित विज्ञहरूसँग परामर्श गरियो,अझै व्यापक रूपमा परामर्श गरेर आवश्यक कदम चाल्ने समझदारी भएको छ ।’
सरकारले नयाँ आर्थिक वर्षको बजेटमार्फत बुढीगण्डकी परियोजनालाई ‘सार्वजनिक निजी साझेदारीमा निर्माण गरिनेछ’ भनेर लेखिएको भन्दै भट्टराईले आपत्ति जनाएका छन् ।
सरकारले ल्याएको बजेटमा उक्त विषय उल्लेख गरिएपछि भट्टराईले सामाजिक सञ्जाल फेसबुकमा स्टाटस लेख्दै परियोजनाको हत्या गरिएको बताएका थिए ।
अध्यक्ष भट्टराईले राष्ट्रिय विश्वासघात र अपराधपूर्ण निर्णयको सशक्त प्रतिवाद गर्न आग्रह समेत गरेका छन् ।
© 2026 All right reserved to khabarcnter.com | Site By : Sobij
