२०८२ चैत्र २ गते सोमवार
२०८२ चैत्र २ गते सोमवार
काठमाडौं । ट्रेड टावर लिमिटेडको आइपीओमा आवेदन दिने म्याद थप गरेको छ ।
आईपीओमा आवेदन दिने समय भोलि जेठ २० गतेसम्मका लागि थप गरीएको हो । जेठ १८ गते नेपाल सरकारले भोटो जात्राको लागि उपत्यकामा बिदा दिएसँगै आईपीओमा आवेदन दिने समय एक दिन थप गरेको जानकारी दिएको छ ।
आइतबार बिहान सम्म १६ लाख ७ हजार ९३५ जनाले १ करोड ९२ लाख ७४ हजार १९० कित्ताको लागि आवेदन दिएका छन् भने यो सर्वसाधारणलाई खुला गरिएको सेयरलाई आधार मान्दा आवेदन ५.८४ गुणा बढी हो ।
ट्रेड टावर लिमिटेडले जेठ १४ गतेदेखि प्रतिकित्ता १०० रुपैयाँ दरमा ३२ लाख ९६ हजार ५०५ कित्ता सेयर निष्कासनमा ल्याएको छ । जारी पुँजी ८१ करोड ५६ लाख रुपैयाँको ४८.६९६ प्रतिशत अर्थात् ३९ लाख ७१ हजार ६९३ कित्ता सेयर सर्वसाधारणलाई जारी गरेको छ ।
त्यसमध्ये १० प्रतिशत अर्थात् ३ लाख ९७ हजार १६९ कित्ता सेयर वैदेशिक रोजगारीमा रहेका नेपालीलाई आईपीओ निष्कासन गरिसकेको छ ।
वैदेशिक रोजगारीमा रहेका नेपालीका लागि निष्कासन गरिएको आईपीओ बाँडफाँटपश्चात सर्वसाधारणका लागि निष्कासन खुला गरिएको हो । ट्रेड टावरको आईपीओमा सर्वसाधारणले जेठ १९ गतेसम्म आवेदन दिन सकिने भएको छ ।
© 2026 All right reserved to khabarcnter.com | Site By : Sobij
