२०८२ फाल्गुण ३० गते शनिवार
२०८२ फाल्गुण ३० गते शनिवार
धरान । धरान उपमहानगरपालिको सञ्चालन गर्ने भनेका सबै परीक्षाहरु तत्कालका लागि स्थगित भएका छन् ।
उपमहानगरले सोमबार विज्ञप्ति जारी गर्दै ५ देखि माथिका कक्षाहरुका मुख्य विषयहरुको परीक्षा आजदेखि सञ्चालन गर्ने जानकारी दिएको थियो ।
सोमबार साँझ बसेको मन्त्री परिषद्को वैठकले देशभरका विद्यालयमा भौतिक पठनपाठन र पूर्वनिर्धारित सबै परीक्षा स्थगित गर्ने निर्णय गरेपछि उपमहानगरले पनि परीक्षा स्थगित गरेको उपमहागरका शिक्षा महाशाखा प्रमुख रत्नबहादुर कटुवालले बताए ।
उनले भने,‘मन्त्रीपरिषद्ले निर्णय गरेपछि हामीले पनि लिने भनेको सबै परीक्षा तत्कालको लागि बन्द गर्ने निर्णय गरेको छौँ ।’
मंगलबार उपमहानगरले विज्ञप्ती जारी गर्दै आजदेखि सञ्चालन गर्ने भनिएको कक्षा ८ लगायतको अन्य सबै कक्षाका वार्षिक परीक्षाहरु अर्को सूचना नआउँदा सम्मको लागि स्थगित गरिएको जनाएको छ ।
विज्ञप्ति मार्फत उपमहानगरले सबै विद्यालयले भर्चुअल तथा वैकल्पिक माध्यमबाट शिक्षण सिकाईलाई जारी राख्न पनि निर्देशन दिएको छ ।
© 2026 All right reserved to khabarcnter.com | Site By : Sobij
