२०८३ बैशाख १७ गते बिहिवार
२०८३ बैशाख १७ गते बिहिवार
काठमाडौं । कञ्चनपुरमा १४ वर्षीय किशोरमाथि सामूहिक बलात्कार भएको छ।
कैलालीको गोदावरी नगरपालिकाकी ती किशोरीमाथि कञ्चनपुरको कृष्णपुर नगरपालिका–७, रैकवारमा सामूहिक बलात्कार भएको हो।
इलाका प्रहरी कार्यालय झलारीका प्रहरी निरीक्षक राजेश बस्नेतका अनुसार बलात्कार आरोपमा एक युवक पक्राउ परेका छन्।
पीडित किशोरीको जाहेरीपछि कृष्णपुर नगरपालिका–७ कै ती युवक पक्राउ परेका छन्। प्रहरीका अनुसार पीडित किशोरीले ५ जनाले आफूमाथि सामुहिक बलात्कार गरेको बताएकी छन्।
नाम खुलेका ३ र अन्य २ जना अपरिचित युवकले बलात्कार गरेको उजुरी आएपछि घटनाको अनुसन्धान भइरहेको प्रहरीले जनाएको छ।
ती किशोरी २ गते गोदावरीबाट बिहेमा रैकबार आएकी थिइन्। त्यसैबेला युवकहरूले ललाइफकाइ नियन्त्रणमा लिँदै बन्धक बनाएर बलात्कार गरेको बताएकी छन्।
प्रहरीलाई जेठ १० गते घटनाबारे जानकारी आएको थियो। किशोरी बेपत्ता भएपछि खोज्दै जाँदा परिवारले रैकबारमा भेटाएको थियो। त्यसपछि आरोपित युवकलाई पक्राउ गरेर अनुसन्धान भइरहेको प्रहरीले जनाएको छ।
तीन जना युवकविरुद्ध किटानी जाहेरी दर्ता भएको छ।
© 2026 All right reserved to khabarcnter.com | Site By : Sobij
