२०८२ चैत्र २ गते सोमवार
२०८२ चैत्र २ गते सोमवार
काठमाडौं । प्रधानमन्त्री एवं नेकपा एमालेको अध्यक्ष केपी शर्मा ओलीले बागमती प्रदेशका निर्वाचित वडा अध्यक्षहरुको भेलालाई सम्बोधन गर्दै छन् ।
प्रधानमन्त्रीको सचिवालयको अनुसार बिहान ११ बजे प्रधानमन्त्री ओलीले भेलाको उद्घाटन गर्ने कार्यक्रम तय भएको छ ।
एमाले बागमती प्रदेश कमिटीले निर्वाचित वडाअध्यक्षहरुको भेला बोलाएको छ भने ललितपुरको गोदावरी स्थित होटल भ्यू भृकुटीमा आयोजना गरिएको भेलामा एमालेबाट निर्वाचित बागमतीको सबै वडा अध्यक्षहरु सहभागी हुने एमाले प्रदेश कमिटीले जानकारी दिएको छ ।
निर्वाचित जनप्रतिनिधिको सबैभन्दा तल्लो निकायको रूपमा वडा अध्यक्षहरुसँग एमाले र वर्तमान सरकारप्रति आम जनताको धारणा बुझ्ने र त्यसलाई सम्बोधन गर्न वडा तह देखि केन्द्र तहसम्म नै रणनीति बनाउने तयारी रहेको छ ।
बागमती प्रदेश इन्चार्ज डा।राजन भट्टराईको अनुसार पार्टीको सङ्गठन विस्तारको लागि जनताको अपेक्षाहरू सङ्कलन गरेर त्यस अनुसार नीति तथा कार्यक्रम तय गर्नका लागि वडा अध्यक्षहरुको भेला बोलाइएको छ ।
भेलामा बागमतीको १० वटा जिल्लाबाट एमालेबाट निर्वाचित ३५९ जना वडाअध्यक्षहरु सहभागी हुने भएका छन् भने उक्त भेला सोमबार सकिने भएको छ ।
© 2026 All right reserved to khabarcnter.com | Site By : Sobij
