२०८२ चैत्र २ गते सोमवार
२०८२ चैत्र २ गते सोमवार
काठमाडौं । नेपाल विद्युत प्राधिकरणले भारतमा विद्युत निर्यात शुरु गरेको छ । भारतमा निर्यात शुरु भएको प्राधिकरणका प्रवक्ता राजाभाई सिल्पकारले जानकारी दिएका छन् ।
शनिबार रातिबाट २ सय मेगावाट विद्युत निर्यात भएकोमा त्यसपछिका दिनहरुमा १५० मेगावाटभन्दा बढी विद्युत निर्यात भइरहेको सिल्पकारले बताएका छन् ।
वर्षासँगै नदीहरूमा पानीको बहाव बढेपछि बिजुली उत्पादन वृद्धि भएकोले प्राधिकरणले भारतमा निर्यात विद्युत निर्यात गर्न थालेको छ ।
भारतबाट महँगो मूल्यमा विद्युत किनेर सस्तोमा ग्राहकलाई बिक्री गर्दा गर्दैदैनिक रूपमा ठूलो घाटा बेहोरिरहेको प्राधिकरणलाई अहिले राहत मिल्ने भएको छ ।
नदीमा पानीको बहाव बढेसँगै नेपालको पिक लोडमा हुने मागकै हाराहारीमा विद्युत उत्पादन भइरहेको प्रवक्ता सिल्पकारले जानकारी दिएका हुन् । नेपालका आयोजनाहरूबाट १९२५ मेगावाट हाराहारीमा विद्युत उत्पादन भइरहेको सिल्पकारको भनाइ रहेको छ । कुन दिन कति विद्युत निर्यात : शनिबार – २ सय मेगावाट, आइतबार – १७५ मेगावाट, सोमबार – १७० मेगावाट र मंगलबार – १५० मेगावाट निर्यात हुन्छ ।
© 2026 All right reserved to khabarcnter.com | Site By : Sobij
