२०८३ बैशाख १७ गते बिहिवार
२०८३ बैशाख १७ गते बिहिवार
-हिरालाल श्रेष्ठ
काठमाडौं । स्वास्थ्य, शिक्षा, कृषि तथा विकास समाज (HEADS Nepal) को ३२ औं स्थापना दिवस विविध कार्यक्रमहरूका साथ सम्पन्न भएको छ ।
भिमसेन थापा गाउँपालिका, वडा नं. ५ स्थित बगुवामा २६ जनाको सहभागितामा पुष्प खेती तालिम, बगुवा शाखाका ८ जना पूर्व अध्यक्षहरूलाई सम्मान, सोहि गाँउपालिकामा हेड्स नेपालले देशको विभिन्न सुमदायमा पुर्याउँदै आएको सेवा कार्यहरू बारेमा अन्तरक्रिया तथा जग्गा दाताहरूलाई सम्मान गरी संस्थाको ३२ औं स्थापना दिवस सम्पनन गरिएको छ । कृषि गतिविधिमा सहयोग पुर्याउन जग्गा दाताहरूको तर्फबाट संस्थालाई ३७ रोपनी जग्गा दान स्वरुप प्राप्त भएकोमा अध्यक्षहरूलार्ई सम्मान गरिएको हो ।
स्थापना दिवसको अवसरमा गोरखा शाखाको आयोजनामा गरिएको कार्यक्रममा १७ जनाले रक्तदान गरेका थिए । गोरखनाथ मन्दिरमा रोट चढाउने, गोरखा र काठमाण्डौंमा दीप प्रज्वलन, “विद्यालय शिक्षामा सामाजिक सञ्जालको भूमिका” विषयक निबन्ध प्रतियोगिता लगायतका कार्यक्रमहरू समेत यसबिच सम्पन्न भएको छ ।
जेठ ३ गते शनिबार हेड्स नेपाल केन्द्रीय कार्यालय, बनस्थलीमा निबन्ध प्रतियोगिता, बिजेता छात्र छात्राहरूलाई पुरस्कार वितरणविच वार्षिकोत्सव कार्यक्रम समापन भएको छ । समापन कार्यक्रमकै विचमा हेड्स नेपालको विगतदेखि वर्तमानको अन्तर्कियामा पूर्व पदाधिकारीहरू सुकुमार श्रेष्ठ र रामकृष्ण धरेलबाट संस्थाको विद्यमान अवस्थामा आईपुग्दासम्मका आरोह–अवरोह बारेमा आ–आफ्नो अनुभवहरू आदानप्रदान गरिएको थियो ।
सोहि अनुभवहरूलाई समेट्दै संस्थाका अध्यक्ष दिलिप देवकोटाले आफ्नो कार्यकालमा भई रहेका गतिविधिहरूलाई जोड दिदैँ आगामी दिनमा संस्थालाई अझै उचाइमा पुर्याउनका लागि अगाडि बढ्ने दृढ प्रतिवद्धता व्यक्त गरे ।
समापन कार्यक्रममा वार्षिकोत्सवको अवसरमा आयोजित विभिन्न कार्यक्रममा सहयोग र सहभागिताको लागि भिमसेन थापा गाउँपालिका, स्थानीय बासिन्दा, हेड्स नेपालको स्थानीय बगुवा शाखा, गोरखा शाखा, प्रदेश र केन्द्रीय समिति, शिक्षा उप–समिति, विद्यालयहरू, छात्र–छात्राहरू, कामना ईन्टरनेशनल कलेजलगायत हेड्सप्रेमीहरूलाई संस्थाका महासचिव दिव्य राज पौडेलले धन्यवाद ज्ञापन गरे ।
© 2026 All right reserved to khabarcnter.com | Site By : Sobij
