२०८२ फाल्गुण ३० गते शनिवार
२०८२ फाल्गुण ३० गते शनिवार
भारतमा अहिले चलिरहेको इन्डियन प्रिमियर लिग (आइपिएल)को खेलमा सट्टेबाजी गर्ने ११ जना काठमाडौंबाट पक्राउ परेका छन् ।
महानगरीय अपराध महाशाखाको टोलीले ठमेलका विभिन्न स्थानबाट ११ जनालाई पक्राउ गएराति पक्राउ गरेको हो ।आईपीएलको खेलमा ह्वाट्सएपमार्फत् सट्टेबाजी गरिरहेको अवस्थामा ती सबैलाई पक्राउ गरिएको अपराध महाशाखाका एसपी कृष्ण पंगेनीले जानकारी दिए ।
‘विभिन्न समूहका व्यक्तिहरुले अनलाइनमार्फत सट्टेबाजी गरिरहेको सूचना आयो’ एसपी पंगेनीले भने, ‘प्रहरी पुग्दा ती सबै व्यक्तिहरु पक्राउ पनि परे ।’ विभिन्न पेशामा संलग्नसहित विद्यार्थीहरु पनि यो कार्यमा सट्टेबाजीमा संलग्न रहेको पाइएको उनले बताए ।
पक्राउ परेका व्यक्तिहरुमाथि म्याद थप गरी आवश्यक अनुसन्धान भइरहेको प्रहरीले जनाएको छ । अपराध महाशाखाको टोलीले उनीहरुको साथबाट नगद २ लाख ८० हजार रुपैयाँ र केही थान रजिष्टरहरु समेत बरामद गरेको छ ।
© 2026 All right reserved to khabarcnter.com | Site By : Sobij
