२०८२ फाल्गुण ३० गते शनिवार
२०८२ फाल्गुण ३० गते शनिवार
काठमाडौं । काठमाडौं उपत्यकामा पूर्ण रुपमा लकडाउन नहुने भएको छ । यसका लागि कुन–कुन क्षेत्र खुकुलो गर्ने भन्ने विषयमा काठमाडौं उपत्यकाका तीन जिल्लाका प्रमुख जिल्ला अधिकारीहरुसहितको बैठक बसिरहेको छ ।
कोरोना भाइरसको बढ्दो संक्रमण तथा नियन्त्रणका लागि अपनाउन सकिने उपायबारे आफूहरु छलफलमा रहेको काठमाडौँका प्रमुख जिल्ला अधिकारी कालीप्रसाद पराजुलीले जानकारी दिएका छन् ।
उनले भनेका छन्, ‘तीनै जिल्ला (काठमाडौँ, ललितपुर र भक्तपुर)को संयुक्त छलफल भइरहेको छ । संक्रमण नियन्त्रणका लागि अपनाउन सकिने उपायहरुबारे परामर्शमा छौँ ।’
तीन जिल्लाका प्रमुख जिल्ला अधिकारीबिचको छलफलको मुख्य विषय संक्रमण नियन्त्रणका लागि निषेधाज्ञा लगाउने विकल्पमा केन्द्रित रहेको बताइन्छ । बैठकले अत्यावश्यक बाहेकका सबै सेवा बन्द गर्ने तथा निषेधाज्ञाको निर्णय लिन सक्नेछ ।
© 2026 All right reserved to khabarcnter.com | Site By : Sobij
