२०८२ चैत्र २ गते सोमवार
२०८२ चैत्र २ गते सोमवार
गोरखा । आरुघाट गाउँपालिकामा पहिलो पटक आर्टिफिसियल इन्टलेजेन्सि (एआई) प्रविधीबाट छाती रोग सम्बन्धी खोजपड्ताल कार्यक्रम सम्पन्न भएको छ ।
गाउँपालिकाको आयोजना तथा प्रदेश जनस्वास्थ्य कार्यालयको समन्वयमा शुक्रवार कार्यक्रममा भएको हो । प्रादेशिक क्षयरोग नियन्त्रण केन्द्र गण्डकी प्रदेशको प्रविधिक सहयोगमा भएको कार्यक्रमबाट ३ सय ४० जनाले सेवा लिएको गाउँपालिकाका स्वास्थ्य शाखा प्रमुख प्रविन थापाले बताए ।
जसमध्ये ६ जनामा क्षयरोग पुष्टि भएको उनले जानकारी दिए । शंकास्पद १६ जनाको नमुना परिक्षणका लागि प्रादेशिक जनस्वास्थ्य प्रयोगशालामा पठाएको उनले बताए ।
डा. विजय शर्मा नेतृत्वमा एआई प्रविधीबाट एक्स–रे तथा छाति रोग सम्बन्धी खोजपड्ताल गरिएको हो ।
गाउँपालिका अध्यक्ष राजु गुरुङको अध्यक्षतामा भएको कार्यक्रममा उपाध्यक्ष कल्पना नेपाली, प्रमुख प्रशासकिय अधिकृत भिमसेन श्रेष्ठ लगायतको उपस्थिती रहेको थियो ।
© 2026 All right reserved to khabarcnter.com | Site By : Sobij
