२०८२ चैत्र २ गते सोमवार
२०८२ चैत्र २ गते सोमवार
काठमाडौं । गोरखाको गण्डकी दलभञ्जयाङकी ४२ वर्षीया तिलमाया थापामगर कक्षा ८ मा भर्ना भएकी छन् । उनी तोमनडाँडा माविमा कक्षा ८ मा भर्ना भएकी हुन् ।
गाउँपालिका अध्यक्ष दीपक तिमिल्सिनाले विद्यालयमै पुगेर उनलाई स्वागत गरेका छन् । सात कक्षामा पढ्दा पढ्दै विवाह भएपछि उनको पढाई स्थगित भएको थियो ।
पढ्ने रहर हुँदाहुँदै पनि पारिवारिक जिम्मेवारीका कारणले उनले आफ्नो पढाइलाई अगाडि बढाउन सकेकी थिइनन् तर अहिले आएर उनी ४२ वर्षको उमेरमा कक्षा ८ मा भर्ना भएकी छिन् । उनका दुई छोराहरू स्नातक तहको अध्ययन गर्दै छन् ।
विद्यालयका प्रधानाध्यापक भीमलाल प्रजाले पढ्न मन लागेपछि उमेर नछेक्ने भन्ने उदाहरणको रूपमा उनी रहेको बताएका छन् ।
© 2026 All right reserved to khabarcnter.com | Site By : Sobij
