२०८२ चैत्र २ गते सोमवार
२०८२ चैत्र २ गते सोमवार
काठमाडौं । ललितपुरमा गएराति ११ बजेतिर कार बिजुलीको पोलमा ठोक्किएको छ । चालकले मापसे गरेर चलाएको कार पोलमा ठोक्किएको हो ।
ललितपुर महानगरपालिका–१५ हात्तीवनमा बा.१५ च ७६५२ नम्बरको फोर्ड कार दुर्घटना भएको प्रहरीले जानकारी दिएको छ । कार बिजुलीको पोलमा ठोक्किँदा ३ जना घाइते भएका छन् ।
कार चालक ३२ वर्षीय रूपक सापकोटालाई प्रहरीले पक्राउ गरेको छ । उनले मापसे गरेको पाइएको जिल्ला प्रहरी परिसर ललितपुरका प्रहरीले बताएका छन् ।
दुर्घटनामा म्याग्दी घर भएर गोदावरी बस्ने ४० वर्षीय अमर ध्वज पौडेल, टौखेल बस्ने २२ वर्षीय विशाल बिक र २९ वर्षीय सौगात लामिछाने घाइते भएका छन् भने उनीहरूको बीएण्डबी अस्पतालमा उपचार भइरहेको प्रहरीले जानकारी दिएको छ ।
© 2026 All right reserved to khabarcnter.com | Site By : Sobij
