२०८२ चैत्र २ गते सोमवार
२०८२ चैत्र २ गते सोमवार
काठमाडौं । सहसचिव बन्धुप्रसाद बास्तोलाले गृह मन्त्रालयमा हाजिर भएको ५ महिनापछि बल्ल जिम्मेवारी पाएका छन् । गृह मन्त्रालयबाट रातोपाटीलाई प्राप्त कागजातमा सहसचिव बास्तोला गत पुस २६ गते मन्त्रालयमा हाजिर भएका थिए ।
त्यसपछि अतिरिक्त समूहमा रहँदै आएका बास्तोलालाई आइतबार गृहमन्त्रीस्तरीय निर्णयबाट राष्ट्रिय विपद् जोखिम न्यूनीकरण तथा व्यवस्थापन प्राधिकरणमा सरुवा गरिएको हो ।
निजामती कर्मचारी सेवा ऐन अनुसार कुनै पनि निजामती कर्मचारीलाई ६० दिनभन्दा बढी जिम्मेवारीविहीन अवस्थामा राख्न पाइन्न । निजामती सेवा ऐन २०४९ को दफा १८ को उपदफा (ख) ९१० विपरीत सहसचिव बास्तोला जगेडामा राखिएका थिए ।
ऐनको दफा १८ को उपदफा ९ख०९१० मा लामो बिदामा रहेको, निलम्बन भएको र अन्यत्र काजमा खटिएका कारण पदाधिकार रहेको पदमा कायम राख्न पर्नेमा बाहेक कुनै पनि निजामती कर्मचारीलाई पदीय जिम्मेवारी नदिई ६० दिनभन्दा बढी समय राख्न नमिल्ने उल्लेख छ ।
© 2026 All right reserved to khabarcnter.com | Site By : Sobij
