२०८३ बैशाख १७ गते बिहिवार
२०८३ बैशाख १७ गते बिहिवार
काठमाडौं । समाचार सङ्कलनका क्रममा प्राइम टेलिभिजनकी पत्रकार सविना कार्की घाइते भएकोमा नेपाल पत्रकार महासङ्घको ध्यानाकर्षण भएको छ । महासचिव रामप्रसाद दाहालले एक विज्ञप्ति जारी गर्दै उक्त घटनाले प्रेस स्वतन्त्रता र नागरिकको सुसूचित हुने संवैधानिक अधिकारमा आघात पुगेको जनाएका छन् ।
शिक्षक र प्रहरीबिच आज नयाँ बानेश्वरमा भएको झडपको समाचार सङ्कलन गर्ने क्रममा प्रहरीले हानेको फोहोरा पानी सिधै आँखामा पर्दा कार्की घाइते भएको थिइन । घाइते कार्कीको सिभिल अस्पताल, ट्रमा सेन्टर हुँदै अहिले तिलगंगा आँखा अस्पतालमा उपचार भइरहेको छ ।
नागरिकलाई सुसूचित गराउने धर्म निर्वाहमा जुटेकी पत्रकार कार्कीमाथि प्रहरीले गरेको प्रहार अत्यन्त निन्दनीय रहेको महासङ्घले जनाएको छ । घाइते पत्रकार कार्कीको शीघ्र स्वास्थ्य लाभको कामना गर्दै घटनाको छानबिन गरी दोषीमाथि कानुनी कारबाही गर्न तथा घाइते पत्रकारको उपचारको सबै व्यवस्था मिलाउन महासङ्घले माग गरेको छ ।
© 2026 All right reserved to khabarcnter.com | Site By : Sobij
