२०८२ चैत्र २ गते सोमवार
२०८२ चैत्र २ गते सोमवार
काठमाडौं । धनुषाधाममा दुई वटा ट्रक एका आपसमा ठोक्किँदा ट्रकमै आगो लागेको छ । धनुषाधामको मालटोलचोकमा दुई वटा ट्रक ठोक्किएर आगलागी भएको धनुषा प्रहरीले जानकारी दिएका छन् ।
आइतबार बिहान सिरहाबाट धल्केवरतर्फ जाँदै गरेको ट्रक र विपरीत दिशाबाट आउँदै गरेको मधेस प्रदेशको ट्रक ठोक्किँदा दुई वटै ट्रकमा आगो लागेको धनुषा प्रहरी प्रवक्ता वरुणबहादुर सिंहले जानकारी दिएका छन् ।
ट्रकको ट्याङ्कीमा ठोक्किएपछि तेल छताछुल्ल भएको र ट्रकमा आगो लागेको हो । आगोले ना ६ ख ३४६३ नम्बरको ट्रक पूरै जलेर नष्ट भएको धनुषा प्रहरीले जानकारी दिएका छन् । दुवै ट्रकका चालक घाइते भएको प्रहरीले बताएका छन् । प्रहरीको अनुसार ट्रकका चालकहरु सर्लाही लालबन्दी १५ निवासी रोशन कौशल कार्की र अर्का ट्रकका चालक सर्लाही मौलापुरका मुकेशकुमार झा रहेका छन् ।
घाइते दुवै चालकको जनकपुरस्थित एपोलो अस्पतालमा उपचार भइरहेको धनुषा प्रहरी कार्यालयले जानकारी दिएको छ । दुर्घटनाबारे विस्तृत अनुसन्धान भइरहेको जनघाइतेकपुर प्रहरी कार्यालयको भनाइ रहेको छ ।
© 2026 All right reserved to khabarcnter.com | Site By : Sobij
