२०८३ बैशाख १७ गते बिहिवार
२०८३ बैशाख १७ गते बिहिवार
काठमाडौं। गोरखाको बारपाक सुलिकोट गाउँपालिका वडा नं. १ बारपाकमा १० औं भूकम्प स्मृती दिवस विभिन्न कार्यक्रम गरी मनाइने भएको छन् । १० बर्ष अघि २०७२ साल वैशाख १२ गते बारपाक केन्द्रबिन्दु बनाएर भूकम्प गएको थियो । त्यसैलाई आधार मानि ‘गोरखा भुकम्प’को सम्झनामा बारपाक सुलिकोट गाउँपालिकाले हरेका बर्ष जस्तै यो बर्ष पनि पालिकाभर सार्वजनिक बिदा दिएको छ ।
गाउँपालिकाले गत आइतबार सार्वजनिक सूचना जारी गर्दै वैशाख १२ गते पालिका अन्तर्गतका सरकारी, गैरसरकारी संस्थाका कार्यालय बिदा दिने जानकारी दिएको थियो । गाउँपालिकाले विभिन्न कार्यक्रम जसमा गाउँपालिका वडा नं. १ बारपाकको हिमालय मा.वि.को प्राङगणमा श्रदाञ्जली कार्यक्रम गर्ने तयारी गरिएको छ । उक्त कार्यक्रममा भूकम्प सम्बन्धी फोटो प्रदर्शनी तथा जनचेतनामूलक कार्यक्रम समेत हुने बताइएको छ । उक्त कार्यक्रम राजधानी देखि राष्ट्रिय जनवादि कलकार झंबार मगर तथा राष्ट्रिय लोकदोहोरी गायक सागर गुरूङको वेजोड सांगितिक प्रस्तृती समेत रहने छ ।
कार्यक्रममा पूर्व प्रधानमन्त्री तथा नेकपा माओवादी केन्द्रका अध्यक्ष एवं गोरखा क्षेत्र नम्बर २ का सांसद पुष्पकमल दाहाल प्रचण्ड, पूर्व उपप्रधानमन्त्री गृहमन्त्री नारायणकाजी श्रेष्ठ, गण्डकी प्रदेशका मुख्यमन्त्री तथा नेपाली काँग्रेसका नेता गोरखा क्षेत्र नम्बर २ को प्रदेश सभा ‘ख’का सांसद सुरेन्द्रराज पाण्डे, प्रदेश तथा जिल्ला पार्टीका नेता कार्यकर्ताहरु लगायत उपस्थिति हुने छ ।
यस पालिकाले भुकम्प गएको बर्ष देखि अहिले सम्म केन्द्रबिन्दु बारपाकमा हरेक बर्ष बिभिन्न कार्यक्रम गरेर भूकम्प स्मृति दिवश मनाउदै आएको पालिका प्रमुख प्रशासकीय अधिकृत सुवास आलेले बताए ।
© 2026 All right reserved to khabarcnter.com | Site By : Sobij
