२०८२ चैत्र २ गते सोमवार
२०८२ चैत्र २ गते सोमवार
धादिको बेनिघाट रोराङ्ग गाउँपालिका–७ स्थित त्रिशूली नदीमा मोटरसाइकल सहित दुई व्यक्ति खसेका छन्।
ती मध्ये एकजनाको सशस्त्र प्रहरीले उद्धार गरी नदीबाट माथि ल्याएको छ भने अर्का व्यक्तिको खोजी गरिरहेको छ।
२ जना सवार मोटरसाइकल नदीमा खसेको खबर प्राप्त भएपश्चात् खोजी कार्यका लागि सशस्त्र प्रहरी बल बिपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक अस्मित कुमार चौहानको कमान्डमा गोताखोर सहितको सुरक्षा फौज परिचालन भएको थियो।
गोताखोर सहितको सुरक्षाफौजले सडकबाट करिब १ सय ५० मिटर तल भिरबाट रोप रेस्क्यु र स्टेचरको प्रयोग गरेर मोटरसाइकल र घाइतेलाई माथी ल्याउने कार्य गरिरहेका सशस्त्रका सहप्रवक्ता डीएसपी शैलेन्द्र थापाले जाकारी दिए।
खोजतलासको क्रममा बा. प्र. ०२–०२४ प ४०५४ नम्बरको मोटरसाइकल र एक व्यक्तिको उद्धार भएको हो। उनको साथबाट मीनबहादुर तामाङ लेखिएको यातायातसँग सम्बन्धित नगदी रसिद फेला परेको छ।
घाइतेलाई गजुरी अस्पताल लगिएको छ। अर्का व्यक्ति पनि बेपत्ता भएको आशंकामा सशस्त्र प्रहरी बलको गोताखोरले खोजी गरिरहेको छ डीएसपी थापाले बताए।
© 2026 All right reserved to khabarcnter.com | Site By : Sobij
