२०८२ चैत्र २ गते सोमवार
२०८२ चैत्र २ गते सोमवार
काठमाडौं । समाजवादी प्रेस संगठन नेपालले स्वर्गीय पत्रकार सुरेश रजकको लागि न्याय माग गर्दै काठमाडौंस्थित शान्तिबाटिकामा आज मौन प्रदर्शन गर्ने भएको छ । प्रदर्शन दिउँसो १ बजे सुरु हुने भएको छ । समाचार संकलनको क्रममा काठमाडौंको तिनकुनेमा आगोमा जलेर रजकको मृत्यु भएको थियो ।
महासचिव रोहित दाहालका अनुसार पत्रकार रजकलाई सहिद घोषणा गर्नुपर्ने, मृत्युको कारण पत्ता लगाउन निष्पक्ष छानबिन आयोग गठन गरी अनुसन्धान गर्नुपर्ने र रजकका परिवारलाई उचित क्षतिपूर्ति दिनुपर्ने माग गर्दै प्रदर्शन गर्ने भएको छ ।
राज्यको ध्यानाकर्षण गराउनको लागि आयोजना गरिएको प्रदर्शनमा सबै पत्रकार तथा सञ्चारकर्मीलाई सहभागी हुन आग्रह गरेको दाहालले जानकारी दिएका छन् ।
© 2026 All right reserved to khabarcnter.com | Site By : Sobij
