२०८३ बैशाख १७ गते बिहिवार
२०८३ बैशाख १७ गते बिहिवार
काठमाडौं । धितोपत्र दोस्रो बजार मापक नेप्से परिसूचक ३९.१३ अंकले बढेको छ । नेप्से परिसूचक बढे पनि कारोबार रकम घटेको छ । यस दिन चार अर्ब २० करोड रुपैयाँको सेयर खरिद–बिक्री भएको छ । मंगलबार पाँच अर्ब १८ करोड रुपैयाँको सेयर खरिद–बिक्री भएको थियो ।
नेपाल स्टक एक्सचेन्ज (नेप्से)का अनुसार आज कारोबारमा आएका १३ वटै समूहगत परिसूचक वृद्धि भएको छ । ‘अन्य’ समूहको परिसूचक सर्वाधिक बढेको छ । यो समूहको परिसूचक २.०९ प्रतिशतले वृद्धि भएको छ ।
आज नेप्से परिसूचक १.५१ प्रतिशतले बढेर २६२१.८६ विन्दुमा बन्द भएको छ । २३१ कम्पनीको सेयर मूल्य बढेको छ । १२ कम्पनीको सेयर मूल्य घटेको छ ।
आज हाथवे इन्भेष्टमेन्ट नेपाल कम्पनी सेयर मूल्य ५३ रुपैयाँ ५६ पैसा बढेर एक हजार २५२ रुपैयाँ ७१ पैसा कायम भएको छ । राप्ति हाइड्रो एण्ड जेनेरल कन्ट्रक्सनको सेयर मूल्य २८ रुपैयाँ ७३ पैसा बढेर ५२९ रुपैयाँ कायम भएको छ ।
उपकार लघुवित्त वित्तीय संस्थाको सेयर मूल्य ७.०९ प्रतिशतले घटेर तीन हजार ४३१ रुपैयाँ ७५ पैसा कायम भएको छ ।
© 2026 All right reserved to khabarcnter.com | Site By : Sobij
