२०८२ फाल्गुण ३० गते शनिवार
२०८२ फाल्गुण ३० गते शनिवार
काठमाडौं । काठमाडौं उपत्यका र देशको केही पहाडी भूभागमा असिनासहित वर्षा भइरहेको छ । वर्षाले जनजीवन प्रभावित बनाएको छ ।
काठमाडौँमा बिहीबार साँझ हुरी चलेको थियो । कतै फाट्टफुट्ट वर्षा पनि भएको थियो । शुक्रबार भने दिउँसोदेखि असिनासहित वर्षा भइरहेको छ ।
स्थानीय वायु र पश्चिमी न्यून चापीय रेखाको प्रभावले काठमाडौँ लगायत क्षेत्रमा चट्याङसहित वर्षा भइरहेको मौसम पूर्वानुमान महाशाखाले जनाएको छ । काठमाडौँसहित प्रदेश १ र सुदूरपश्चिमका पहाडी भागमा पनि वर्षा भइरहेको छ ।
गण्डकी प्रदेश, बागमती प्रदेश, प्रदेश १ को पहाडी भूभागका साथै लुम्बिनी प्रदेशको पूर्वी जिल्लाहरुमा पनि मेघ गर्जन, चट्टयाङ, हावाहुरी, असिना सहित वर्षा गराउने बादल विकसित भैरहेको मौसम पूर्वानुमान महाशाखाले जनाएको छ ।
महाशाखाले ती ठाउँमा सतर्कता अपनाउन अनुरोधसमेत गरेको छ । काठमाडौँ उपत्यकामा शुक्रबार दिउँसो अचानक वर्षा भएपछि जनजीवन प्रभावित भएको छ ।
© 2026 All right reserved to khabarcnter.com | Site By : Sobij
