२०८२ फाल्गुण ३० गते शनिवार
२०८२ फाल्गुण ३० गते शनिवार
काठमाडौं । काठमाडौं महानगरपालिका, सूचना तथा सञ्चार विभागका प्रमुख नमराज ढकाल संविधान दिवस (राष्ट्रिय दिवस २०७७) को अवसरमा राष्ट्रपति विद्यादेवी भण्डारीबाट सम्मानीत भएका छन् । नेपालको संविधानको धारा २७७ को उपधारा १ बमोजिम मन्त्री परिषदको सिफारिसमा ढकाल विभुषित भएका हुन् ।
उनले यस अघि महानगर प्रमुखको सचिवालय प्रमुख, सहकारी विभागको प्रमुख, शिक्षा विभागको प्रमुख र सूचना तथा सञ्चार विभागको प्रमुख लगायत विभिन्न विभागको प्रमुख भएर जिम्मेवारी निर्वाह गरिसकेका छन् । ‘शिक्षा नै जीवन हो, शिक्षा भनेको जीवन पर्यन्त बाँच्ने आधार हो’ भन्ने मान्यता राख्ने ढकालले व्यवस्थापन, अर्थशास्त्र, समाजशास्त्र, राजनीति शास्त्र र जनप्रशासन विषयमा स्नातकोत्तर, कानुन विषयमा स्नातक र एक वर्षे वि.एड. उत्र्तीण गरेका छन् ।
हाल उनी त्रिभुवन विश्वविद्यालयमा अर्थशास्त्र विषयमा एमफिल, त्रिचन्द्र कलेजमा डिप्लोमा इन काउन्सेलिङ्ग साइक्लोजी र बालमीकि विद्यापीठमा शास्त्री स्नातक (प्रथम वर्ष) मा अध्ययनरत छन् । श्री कृष्ण प्रणामी सेवा समिति नेपालका केन्द्रीय अध्यक्ष समेत रहेका सामाजिक अभियन्ता ढकालले बलि प्रथा विरुद्ध चेतनामुलक अभियान समेत चलाउँदै आएका छन् ।
सरकारी सेवा सुरुगरेदेखि हालका दिनसम्म गरेको कामको मूल्याङ्कन गर्दै ढकाललाई विभूषित गरिएको हो । विभूषित भएपछि उनले सूचना प्रविधि विभागलाई समयानुकुल परिस्कृत गर्दै विभागलाई महानगरकै लागि सूचनाको स्रोतको रुपमा अगाडि बढाउँदै लैजाने र महानगरवासीलाई सत्मार्गरुपी सत्य र सही सूचनाहरुको बारेमा जानकारी गराउने प्रतिवद्धता व्यक्त गरेका छन् ।
© 2026 All right reserved to khabarcnter.com | Site By : Sobij
